Davao City – Ang tanang mga konbiktadong kriminal mamahimong makagawas bisan ug wala pa nila matapos ang ilang sentensya kung wala siya nahilambigit sa bisan unsang binuang sa sulod samtang nagserbisyo sa silot.
Sumala ni Atty.Leonard Cagatin, Davao criminal law practitioner, adunay himoong evaluation kung kwalipikado ba ang usaka convict o dili aron himoong basihan tugotan ba or dili nga makagawas kini.
Gipasabot usab ni Cagatin nga angayang hatagan ug ikaduhang higayon ang mga colono tungod kay ang pagbilanggo kanila dili lamang tungod sa silot kun ‘punitive justice’ kon dili aron mareporma ug mahimo na silang matarong ubos sa doktrinang ‘restorative justice.’
Giklaro usab karon ni Cagatin nga dili kuridason ang pagbuhi kanila tungod kay mag-agad kini kun ang mga aplikante sa Good Conduct Time Allowance (GCTA) scheme makapakita ba nga sila nagpakita sa ‘good behavior.’
RadyoMaN Bernard Pantallon
