Hingpit ng gideklara sa konseho nga ubos sa State of Calamity ang syudad sa Cagayan de Oro kagahapong adlawa. Kini human nagtigom ang mga konsehales ning syudad sa hawanan sa konseho sa pagpangulo ni City Vice Mayor RaineirJoaquin “Kikang” Uy.
Gibotaran sa mga konsehal pabor ang pagdeklara sa syudad isip ubos sa state of calamity tungod sa pagragasa sa severe tropical storm Vinta sa rehiyon kung diin apektado ni-ini ang nagkadaiyang baranggay ning syudad. Partikular nga naapektohan ug maayo ang mga baranggay nga duol sa Cagayan de Oro River sama sa Brgy. Consolacion ug mga kasikbit nga baranggay.
Atol sa maong panagtigom, ana-a ang presensya ug mitambong ang tanang konsehales ning syudad pwera na lang nilang konsehal Nadya Emano-Elipe ug Konsehal Atty. Leon Gan.
Kahinumdoman nga sa milabay’ng Sabado nagpahigayon ang ug panagtigom ang Rapid DisasterAssessment and Needs Analysis (RDANA) nga gipangulohan mismo mi City Mayor Oscar S. Moreno kaubana ng mga miyembro sa City Disaster Reduction Management Council ug kauban usab ang mga miyembro sa konseho.
Naa kay komentaryo ning maong estorya idol? Mamahimo nimong isulat sa comment box sa ubos.
