Un cabesa esqueleto el ya puede recobri adentro del un Nuevo cumparao casa na barrio de Bolong del Webes aga.
Na report del pulis ta aparese el mencionao calabera ya encontra adentro del casa que ya compra el familia di Juan Salazar, Jr., banda alas 9:45 del aga.
Asegun na report, ta conduci limpiesa el man maridable Salazar con diila Nuevo cumprao casa desde con Pilar Locson Acosta cuando ya encontra estos con el calabera adentro del un tucador.
Dayun el man maridable ya reporata con el incidente na pulis para conduci el imbestigacion.
Asegun canda Salazar ya compra con el casa solamente del Marso 24, este año.
El asunto ta imbestiga pa el pulis para sabe quien el persona ya muri na mencionao casa.
Facebook Comments
