Calamity preparedness hugtan

33

Davao City – Ang pagbusikad sa usa ka bulkan kabahin lamang sa natural nga proseso sa kalibutan kun ‘geologic occurrences’ tungod kay ang kalibutan nagapahungaw gayud sa iyang kainit matag karon ug unya.


Sumala ni Prime Cruz, Kabalikat Civicom Davao City Chapter President, kung dili magpahungaw sa iyang kainit ang kalibutan, mas daghang mga bulkan ang malagmit mobuto ug daghang linog posibleng mahitabo gumikan sa ‘tectonic plate movements’ ug bangga sa mga ‘tectonic plates’ sa mga kontinente sa tibuok kalibutan.

Gipasabot ni Cruz nga dili angayang kabalak-an ang mga panghitabong linog, pagbuto sa bulkan, bagyo ug uban pang kalamidad-natural sanglit normal lamang kini nga mga phenomena kun panghitabo.

Giklaro usab ni Cruz nga ang mga bulkan active man or inactive sama sa Mt. Apo ug uban pa aduna gihapoy dakung posibilidad nga mobusikad sa pagligid sa panahon sa dili lamang matagna nga period.

Subling nagpasidaan si Cruz nga sa listahan sa PhiVolcs, adunay mga bulkan nga padayong gi-monitor sama sa Mt. Leonard Kniaseff nga nahitumang sa may Mabini-Maco, Davao de Oro.

Tungod niini, nanawagan si Cruz ngadto sa katawhan nga mosalmot o mo-apil sa himoong mga seminars o trainings kabahin sa himoong pagpangandam aron atong makab-ot ang hataas nga kahibalo kun kahimatngon kalabot sa mga deadly ug violent volcanic eruptions.

RadyoMan Bernard Pantallon




Facebook Comments