CALBAYOG CITY, SAMAR – Gin-deploy an purluminos 400 nga mga kapulisan ha bug-os nga syudad han Calbayog agud maghatag hin seguridad ha gindudumara nga Eastern Visayas Athletic Association o kun EVRAA Meet nga nagtikang kakulop tubtub Pebrero 10, 2018.
Sumala kan PSupt. Jose Junal Omala, 300 nga mga kapulisan in tikang pa ha magkadurudilain nga lugar han rehiyon nga naka destino ha mga eskwelahan, playing venues ngan ha commercial district han syudad.
Istrikto nga ig-iimplementar han mga kapulisan an seguridad ngan pag siguro nga waray samok nga mahihinabo.
Ngan sugad man ha pagdumara hin patrol ngan checkpoint ha entry ngan exit points han syudad.
Han nakalabay nga mga bulan, may mga panhitabo han gin-aaligar pamatay ha nasabi nga syudad pero ginsiguro han PNP an katalwasan han mga atleta, coaches, opisyales, ngan bisita nga aadto yana ha syudad.
