Davao City – Gideklarang dead on arrival sa Isaac Robillo General Hospital-Calinan ang usa ka drug surrenderee human armadong misukol sa kapulisan alas 8:00 kagabii atol sa gilusad nga drug buy-bust operation sa Calinan PNP.
Sa record sa Davao City Police Office (DCPO), ang naasoy mao si Tam-Tam Muscan, hamtong ang pangidaron, ug residente sa Brgy. Dacudao Calinan, Davao City, kinsa nitahan kaniadtong Abril 24 sa ilang barangay apan sa gihimong validation sa kapulisan sa Calinan, nasayran nga dili sinsero sa pagtahan si Muscan gumikan nagapadayon kini sa pagpamaligya og iligal nga druga.
Sumala pa, gilusad ang buy-bust operation sa Calinan PNP alas 8:00 kagabii, Abril 29, diin sa panahon nga arestohon na si Muscan, nibunlot kini og wala matinong kalibre sa pistola dayon pusil sa gikatransak nga nagpailang puseur-buyer nga pulis.
Nakalikay ang maong pulis nga si PO1 Lumagbas ug dayon nibalos batok sa suspetsado rason nga na-neutralisa kini.
Gisulayan pa og tabang si Muscan apan pag-abot sa Isaac Robillo General Hospital-Calinan gideklara kining dead on arrival sa attending physician niini.
Narekober sa Scene of the Crime Operatives (SOCO) ang usa ka unit sa rebolber nga walay serial number lakip ang duha ka mga buhing-bala, usa ka basyo sa gipabutong bala, ug usa ka cellphone nga gitohoang gigamit sa maong transaksyon, 500 ka pesos nga marked money, ug upat ka elongated heat-sealed plastic sachet sa gitohoang shabu.
Kasamtangang anaa na sa Anghel Funeral Homes sa Calinan ang patay’ng lawas ni Muscan aron ipa-autopsy ug sa paraffin examination.
RadyoMaN Jason Amisola
