Sa pakighinabi ni RadyoMaN Aimee Guinita sa usa sa mga nakadungog sa pagbusikad nga si alyas Inday, human sa pagkadungog sa buto, duna kini mga nakita nga mga lawas nga nakahapa na sa dalan.
Sa report sa Calinan PNP, 1 ang kumpirmadong patay nga si Romnick Creer Nortarte, 31 anyos, nga taga Sitio Acasia, Brgy. Tamugan, Marilog Dist., Davao City, samtang samdan mao sila Emilita Rotarte Alegarme, 48 years old, taga Purok 23, pausta, Barangay Calinan Poblacion, Loribeth Toting Ñocyeo, 50 years old, female, nga taga Sitio Acacia lower Tamugan, Barangay Tamugan, Marilog District, ug Rey Caresosa Agliones, 32 years old, nga taga NHA Barangay MAA.
Dugang sa report, giingong CRIME OF PASSION ang motibo sa insidente gumikan sa isyu nga love triangle.
Matud pa nga dunay nakita ang usa ka babae nga cellophane nga gibutang sa bintana nga nag-aso-aso, iya kining gipalayo apan kalit lang kini mibusikad. Giklaro usab sa kapulisan nga dili IED ang mibuto butang nga ila pang poadayong ginasuta.
Sa impormasyon, niadto si Mayor Baste sa area kagabii ingon man ang ubang otoridad aron sutaon ang sitwayson.
Nagpadayon usab ang imbestigasyon sa kapulisan sa insidente ug ginapangita na ang suspek nga responsable sa krimen.
RadyoMaN Renz Barbarona
