Davao City- Gitambagan sa hepe sa Calinan PNP ning syudad ang kapulisan sa iyang Area of Responsibility (AOR) nga kinahanglang magbinantayon kanunay ilabi na atol sa trabaho o kung mag-inusara lang.
Kini mao ang sigun ni Police Chief Inspector Michael Uyanguren tungod usab sa sunod-sunod nga insidente sa pagpamatay ug mga pulis sa nagkadaiyang lugar sa Pilipinas.
Dugang ni Uyanguren, duna kunoy mga area sa Calinan nga gina-konsidera nga red area kun mga lugar nga makita ang presensya sa mga rebeldeng grupo mao nga gipaningkamutan nila nga luwas usab sila sa pagbantay sa seguridad sa ilang palibot.
Kahinumduman nga kaniadtong miaging semana lang, usa ka pulis nga si PO3 Wilfredo Garol ang gipusil patay sa gituohang mga New People’s Army kun NPA duol sa Calinan area samtang sakay sa iyang motorsiklo gikan naghatud sa iyang asawa sa skwelahan.
RadyoMaN Paul Canono
