Davao City – Dili makaapekto sa Bragas Rape Slay Case ug gibarugan sa Calinan Police Station nga case close na ang ang maong kaso, human migawas sa social media nga naay tawo mitudlo sa laing suspect sa pagpatay kay Architect Vlanche Marie Bragas nga nahitabo niadtong Mayo 16, 2023.
Sa interview sa DXDC RMN Davao kang PMaj Ricky Obenza, Station Commander sa Calinan Police Station, gisulti niini nga sirado na ang kaso human gideklara sa Special Investigation Task Group (SITG) og Police Col.Alberto Lupaz City Director sa Davao City Police Office (DCPO).
Segun ni Obenza, bisan ang pamilyang Bragas nasayud na nga case close na kini ug gikasohan na ang mga suspetsado ug narecover na ang ongbak o bao bao nga maoy gisakyan sa biktima.
Subling nagpahimangno si Obenza sa mga gipost sa social media nga dili dayon motuo tungod makahatag kini kalibog sa kapulisan ug katawhan.
“Asa gikan nga information asa gikuha naa pay gipost sa social media nga nadapna na daw sa NBI”,sulti ni Obenza.
RadyoMaN Don Pulayao
Facebook Comments
