Davao City – Mapasalamaton ang usa ka residente sa Riverside, Calinan ning syudad human giatiman ang iyang concern nga gipandagat dinhi sa DXDC 621 RMN Davao.
Sumala sa usa ka alyas Jean, usa ka inahan, sa gipadala nga mensahe niini pinaagi sa messenger, segun niini nga naa man syay madawat o wala nga ayuda gikan sa Department of Social Welfare and Development kun DSWD, dako na matud pa nga tabang nga gitubag ang iyang concern.
Gipadangat ni alyas Jean ang iyang reklamo sa dihang giingnan kini nga di na matud pa makadawat og Amelioration Program sa DSWD ang mga dunay ration card.
Apan sa pagpaklaro sa DXDC RMN Davao kang Presidential Commission for the Urban Poor (PCUP) Supervising Commissioner for Mindanao Norman Baloro nga walay konkretong palisiya nga og nakadawat na og ayuda gikan sa laing programa, dili na makadawat sa uban pa nga ayuda.
“Actually, there is no concrete policy na if ever you already availed with the food ration from the barangay or even from the LGU and then duna siya’y social amelioration program dili na pod ka maka-avail and if ever na-enrolled pod ka under sa TUPAD PROGRAM ug natagaan ka og assistance sa Department of Agriculture na worth P5,000 you are not eligible to any government assistance to avoid duplication, there is no concrete policy for that…But at the end of the day, naa na siya always sa kamot sa usa ka authorized sa government agency unsa pod ang ilahang guidelines,” saysay ni Baloro.
Samtang sa separate interview kang Kapitan Eduardo Bocboc, Brgy. Kapitan sa Riverside, Calinan, giingon niini nga gumikan usa ka inahan nga nagpasuso pa sa iyang gamayng bata si alyas Jean, malakip kini sa amelioration program ug kinahanglan lamang ilista sa sunod nga batch aron makadawat sa ayuda.
RadyoMaN Renz Barbarona
