Pinangunahan ni Pang. Ferdinand Marcos Jr., ang seremonya ng pagtu-turnover ng ownership ng Caliraya-Botocan-Kalayaan Hydroelectric Power Plant sa Aboitiz Group of Companiya
Ang nasabing Hydroelectric Power Plant ay may kapasidad na 797-megawatts kung saan binubuo ito ng tatlong pasilidad: ang Caliraya Hydroelectric Power Plant na nasa bayan ng Lumban, Botocan Hydroelectric Power Plant na nasa bayan ng Majayjay, at Kalayaan I and II pumped-storage facilities na nasa bayan ng Kalayaan.
Sa pahayag ni Mr. Sabin M. Aboitiz ang President at Chief Executive Officer ng Aboitiz Group of Companies, magsisilbing large-scale energy storage systems ang pasilidad.
Ayon naman kay Pangulong Marcos, ang nasabing pasilidad ay maghahatid ng reserbang kapasidad at ancillary services, para matiyak ang matatag na kapasidad ng Luzon power grid kapag peak o mataas ang demand ng kuryente.
Nabatid na iginawad sa Thunder Consortium ang operasyon ng CBK Hydroelectric Power Plant, na binubuo ng Aboitiz Renewables, Inc., Sumitomo Corp., at Electric Power Development Co.
Mula ito sa 25-taong Build-Rehabilitate-Operate-Transfer agreement ng CBK Power Co. Ltd. at National Power Corporation, na nagtapos ngayong buwan.
Iginiit ng pangulo na isa layunin ng privatization na mapabuti ang operational efficiency ng pasilidad at masiguro ang matatag na energy security sa buong Luzon.
