Patay ang usa ka call center agent human kini gipusil sa nagtulis kaniya kaganinang kadlawon sa Pope John Paul II Avenue sa Barangay Mabolo , Cebu City.
Ang nabiktima mao si Loraine Temple, 37 anyos ug taga Barangay Suba-Masulog sa Lapulapu City.
Pasado alas 2:00 kaganinang kadlawon nagpaabot ang biktima ug masakyan paingon sa IT Park sa Barangay Apas dihang kalit nga niabot ang riding in tandem nga suspek ug gitionan kini aron kuhaon ang iyang bag.
Apan matod ni Chief Insp. Dindo Alaras hepe sa Mabolo Police Station nisukol si Temple ug nakigbinirahay sa iyang bag tali sa suspek ,hinungdan nga gipusil siya niini .
Ikaduhang higayon na diay kini nga gitulis ang biktima, apan kaniadto nakasukol siya tungod kay maantigo kining mo-karate.
Facebook Comments
