Davao City – Balhug sa Sta. Ana PNP ang usa ka call center agent human nisulod og apartment pasado alas-3:00 Huwebes sa kaadlawon nahitabo sa may Brgy. Duterte Agdao siyudad sa Davao.
Sa report gikan Presinto Uno, ang suspek nagpangidaron og 23 anyos nga gi-alyasan og Dexter, residente sa nahisgutang lugar.
Sumala pa nga nisulod ang suspek sa usa ka kuwarto sa boarder ug iyang ggihikap-hikap ang usa ka 20 anyos nga babaye nga si alyas Inday diin daling nagpatabang ang igsuon sa biktima ngadto sa kapolisan resulta sa pagkasikop sa suspitsado.
Samtang nahinabi sa RMN Davao ang suspek, iyang gihimakak ang maong pasangil apan gi-angkon sa suspek nga mangawat lang ang iyang tuyo niadtong tungora.
Butyag sa suspek nga buot niining mabawi ang iyang salapi nga gipay-in sa inahan sa biktima ngadto sa Rigen.
Samtang ang pamilya sa biktima pursegido nga mupasaka og kasong unjust vexation batok sa suspetsado.
RadyoMaN Don Pulayao
