Davao City – Gipasalamatan ni Davao City Mayor Inday Sara Duterte-Carpio ang Chinese government sa paghatag og pondo alang sa water supply system sa Brgy. Callawa ning syudad sa Davao.
Niadtong adlawng Huwebes, gipirmahan ni Mayor Inday ug Chinese Ambassador to the Philippines Zhao Jinhua ang deed of donation alang sa maong proyekto gani miadto usab sila sa maong area alang sa groundbreaking ceremony.
Ang maong luna gidonar sa lokal nga gobyerno sa syudad sa Davao diin asa ipatukod ang 6-million pesos nga Barangay Callawa Water System Project.
Matud pa nga makabenepisyo niining proyekto ang kapin 3,000 ka mga residente sa nasangpit nga barangay.
Sumala ni Mayor Inday nga ang lakang sa gobyerno sa China nagpamatuod sa lig-on nga koneksyon tali sa nasud Pilipinas ug sa China.
RadyoMaN Renz Barbarona
