Grande porcion del calsada na Sitio Gasang, Curuan el sale bien agujerao mientras lasrgo tambien el rajadura ya tene como resulta del seguiditos aguasero ta experiencia el ciudad donde ya emblandia el tiera y ya abaja el cementada.
Mismo si Kagawad Ronaldo Tee Angeles del Curuan quien ya puede descubri con el situacion del calsada del Miercoles.
Asegun con Angeles delicao ya el porcion del calsada si continua pa este raja y man timpac el cemento donde asegun tiene motorciclo el ya accidenta.
Ya tene ya lang que pone señales na lugar si Angeles para dale aviso con el maga motorista porcausa con el presente situacion del calsada.
Asegun con Angeles tiene ta corre agua abajo del partido calsada que ta indica lang amo este el rason si porque ya emblandia el tiera y ya raja que raja el cementao calsada.
Si Angeles ya habla ya lleva dayun le con este asunto na barangay council del Curuan aber para mira enseguidas maga solociones con este asunto.
