Davao City – Ginatugutan sa Commission on Election (COMELEC) ang pagbutang og mga posters o campaign materials sa mga Public Utility Vehicles (PUJs) gawas lang sa mga government-owned nga mga sakyanan.
Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, gisaysay niini nga ang gibawal lamang sa COMELEC resolution mao ang pagpaskil sa mga campaign materials sa mga public transport vehicles nga gipanag-iyahan sa gobyerno sama motor vehicles, patrol cars ug uban pa.
“As long as dili sya government-owned, gina-allow nato nga magbutang sila og mga posters kay dili man nato na saklaw.” segun niini.
Dugang pa ni Caballero nga kinahanglan gihapon nga sundon ang standard nga sukod nga 2 by 3 feet sa mga mga posters/tarpaulins nga ipamutang sa mga PUJs subay sa patakaran nga gihatag sa buhatan.
RadyoMaN Kirby Manzon
