Davao City- Malampuson nga gilusad gahapong adlawa, Oktubre 25 ang unang hugna sa Oplan Baklas nga gipahingusgan sa COMELEC Distrito uno, dos, ug tres kaalayon ang Davao City Police Office (DCPO) , Task Force Davao, Department of Public Works and Highways (DPWH) ug Department of Environment and National Resources (DENR).
Tumong niini nga siguraduhong magpabilin ang kahinlo ug kahapsay sa mga pampublikong lugar ug isip pagtuman usab sa election regulations subay sa Barangay and Sangguniang Kabataan Elections (BSKE) 2023.
Sagad sa nabaklas mao ang mga campaign paraphernalia nga wala sa common poster areas sama sa gipangbutang sa punoan sa kahoy, linya sa poste ug kuryente.
Pahimangno kanunay sa COMELEC alang sa mga apirants nga mahimong responsableng kandidato ilabi na karon nga aprobado na sa COMELEC ang suspensyon sa proklamasyon sa mudaog nga kandidatong aduna’y unresolved cases nga nagmalapason sa balaod.
RadyoMaN Ivy Parido
Facebook Comments
