Davao City – Nasikop na sa mga otoridad ang lider sa Campaner Robbery Group nga naglihok sa Davao del Sur ug Davao Occidental.
Arestado si Eprix Campaner, 28 anyos, driver, nagpuyo sa Sitio Pamungot Brgy. Talagutong, Don Marcelino, Davao Occidental.
Gilusad ang operasyon sa mga kapulisan sakop sa CIDG-XI ug Don Marcelino Police Office alas 11:30 sa buntag nahitabo sa Brgy. Talagutong nga miresulta sa pagkasikop sa lider sa maong grupo.
Ang suspek adunay warrant of arrest sa kasong robbery nga gipagawas ni Hon Judge Zara Silvosa sa 5th MCTC, 11th judicial region, sa Malita Davao Occidental ug kasamtangan nga gikustudya sa Don Marcelino Police Office
Ang Campaner Robbery Group maoy responsable sa sunod-sunod nga kasong robbery sa mga lungsod sa Don Marcelino ug Jose Abad Santos, Davao Occidental.
RadyoMaN Erin Lumosbog
