Canadian wastes gikadismaya

25

Davao City – Ang gibuhat sa nasud sa Canada nga dinhi sa Pilipinas gilabay ang ilang tone-toneladang mga basura dayag kaayo nga daw nakamenos gyod sila sa mga Pilipino sanglit kung aduna pa unta sila’y nahibiling respeto alang sa mga Pinoy dili unta nila mabuhat ang paglabay sa ilang mga hazardous waste materials dinhi sa nasud.

Gibutyag ni Kinaiyahan Foundation Focal Person Betty Cabasares nga na-insulti kini sa gihimo sa Canada nga daw landfill ang ilang tan-aw sa Pilipinas og malagmit magbilin og lama sa dignidad sa mga Pilipino diha sa pangkalibutanong komunidad.


Dismayado si Cabasares sa gobyerno sa Canada sa wala nila pagpakita og tawhanon nga kunsiderasyon nga kung buot isipon, sila untay angay unang magtamod og maayong pamatasan aron ang ubang kanasuran musunod usab sa pagpakita og respetohanay sa matag rasa ug nasyon.

Gitindogan ni Cabasares nga ang Pilipinas ug ang mga Pilipino dili nawong og basura ug takos sa respeto sa rason nga dili kita mga ‘illiterate’ ug kita adunay igong kahimatngon.

Gidayeg ni Cabasares ang kaisog ni Pres. Rodrigo Duterte sa maisogong pagsita ug paghulga sa Canada nga iya kining gyerahon kon dili niini kuhaon pagbalik ang ilang gi-export nga 50 ka mga container vans nga puno sa basura ug gitapun-og dinhi sa nasud.

Malaumon ang environmentalist nga sa dili madugay, makiha ra sa gobyerno ang local contact ug ang kakonsabo nga mga trabahante sa gobyerno nga nagpalusot sa mga basura gikan sa Europa.




Samtang gihagit ni Cabasares ang katawhan nga mamahimong responsable sa paglabay og basura aron dili madaut kon maguba ang kinaiyahan kay maghatud kini og dakong distroso unya ngadto sa tanan.

RadyoMaN Joel Viray

Facebook Comments