Davao City – Insakto ang gihimo ni Presidente Rodrigo Duterte sa pagsira sa ganghaan sa gobyerno sa hinabing pangkalinaw tali sa gobyerno sa Pilipinas ug Communist Party of the Philippines-New People’s Army-National Democratic Front (CPP-NPA-NDF) tungod kay bisan og dunay peace talks, nagpadayon gihapon ang pagpanghasi, pagpangatake, ug pagpangsunog sa mga rebeldeng grupo.
Kini ang personal nga tan-aw sa kanhi Chairman sa Committee on Peace and Order sa konseho sa syudad sa Davao ug kasamtangang konsehal nga si councilor Nilo “Small” Abellera Jr. subay usab sa gipirmahang proclamation sa pamuno-nasud nga Proclamation 360 nga humanon na ang negosasyon sa CPP-NPA-NDF.
Giingon usab ni Abellera nga mamahimo lang sigurong ibalik ang panghinabing kalinaw kung mupakita og sensiridad ang mga rebelde.
RadyoMaN Bernard Pantallon
