Canvassing sa Malaybalay ug Bukidnon ipadayon karong adlawa

22

Ipadayon karong adlawa sa Malaybalay City Board of Canvassers ang canvassing sa mga election returns sa dakbayan sa Malaybalay.

Nasayran nga ang usa ka depektibong SD cards ang nagpalangan sa proklamasyon sa nidaug nga bag-ohay lamang nga gihimong piniliay sa siyudad sa Malaybalay.

Matud sa MCBOC nga gihulat pa nila ang pag-abot sa SD card gikan sa DICT.

Nasayran nga adunay kinatibuk-ang 773 ka rehistradong botante ug 641 ang aktuwal nga nibotar sa mao nga clustered precinct sa Brgy. Sinanglanan.

Ang maong ihap mamahimong maka-apekto sa posisyon sa city councillor sa ranggo nga ika- 9 hangtod 11 nga naglangkob nila ni Cecille Pagaling, Christopher Soria and Jaime Gellor, Jr.

Dili usab tugutan sa BOC ang mga supporters nga musulod sa session hall atol sa proklamasyon ug gitambagan nga sa gawas na lamang kini magpabilin alang sa seguridad ug decorum.

Samtang gipahayag usab sa usa sa miyembro sa Bukidnon Provincial Board of Canvassers, nga mukabat pa sa 109 ka mga security digital cards kon SD cards ang depektibo rason aron gisuspende ang canvassing kagahapong adlawa.

Nasaryan nga anaa pa sa 91.7 porsiyento ka mga election returns ang na transmit kon anaa sa 1,061 out of 1,157 clustered precincts ang na transmit hinungdan nga nadugayan usab ang proklamasyon sa provincial level position.

Facebook Comments