Capitan calaboso despues agarra con el dalaguita

Un barrio capitan ya entra na calaboso despues este ya anda agarra con el maga privado partey ya abrasa con un 18-año de edad muher quien ta saca lang barangay clearance na Maasin del Biernes.

Caso de acts of lasciviousness el esperanzao ay planta na corte con Rodolfo Cabugsa Genturalez, 56, por su mal acto con el victima.

Asegun con Major Ramon Bautista Jr. ya anda el dalaguita saca barangay clearance para del su tata alas 9 del aga y cuando ta espera este con Genturalez pirma con el clearance, ya llama conele el capitan adentro del su opesina.


Primero ta pregunta si Genturalez con el dalaguita aserca con el summer job.

Y despues derepente este ya abrasa conele y ya empesa agarra que agarra con el maga privado parte del dalaguita.

Cuando ya bolbe el victima na casa ya reporta este consu familia el cosa ya pasa y dayun estos ya anda na estacion del pulis.

Alas 10 del noche cuando ya imbita el maga pulis con Genturalez na estacion y cuando ya man atubang este con el dalaguita, ya enseña este conele como el hechor.

Ya precura pa asegun aregla si Genturalez con el victima perro nohay este conforma.

Ahora tarde esperanzao man inquest na fiscal con Genturalez por el caso de acts of lasciviousness.

Facebook Comments