Roxas City, Capiz – Indi pabor si First District Congressman Emmanuel “Tawi” Billones Sr. sa paghatag sang immunity para sa mga congressman sa ila paglapas sang pagsulundan sa trapiko.
Ini ang nangin reaskyon ni Billones matapos nangin suhestiyon ni House Majority Floor Leader Congressman Rodolfo Farinas nga agud indi maatrasar ang mga congressman sa ila trabaho sa kongreso pagahatagan sila sang “immunity” nagakahulugan nga exempted sila sa dakpanay sa traffic violations.
Suno pa kay Billones indi na kinahanglan pa nga hatagan sila nga mga kongresista sang dugang nga pribiliheyo bangud sila ang kapareho man sang ordinaryo nga sibilyan nagagamit man sang karsadahon.
Ang paghatag sang immunity suno kay Billones ang kaparehas lang sang pag abuso sang puwesto nga ginhatag sang tawo sa mga mamalidha kag iban pa nga opisyal.
