Roxas City, Capiz – Ginpahayag ni CPPO Provincial Director Col Julio Gustilo Jr, nga may nadeploy na nga mga kapulisan sa mga border sang Capiz kag kahilapit nga mga probinsya.
Kalakip sa mga ginpahamtangan sang border security checkpoint amu ang mga banwa sang banwa sang Pilar, Sapian, Dumarao, Tapaz kag Jamindan.
Kaupod ang mga katapo sang PNP, BFP kag tagsa ka mga local MDRRMO personnel, nagapatigayon sang thermal checking, samtang ginapangitaan naman sang mga IDs ang mga persona antes makasulod sa Capiz.
Ginpunto ni Gustilo nga ginapatuman nila ang “strict no entry” para sa indi sang taga-Capiz. Exempted naman apang maga-agi sa nagakaigo nga protocol ang mga medical personnels.
Gin-insister ni Gustilo nga hugot man nga ginapatuman sa subong ang no entry sa mga bus liner kag iban pa nga mga de-pasahero nga salakyan halin sa iban nga probinsya.
Samtang ginapangabay naman snag mga otoridad ang kooperasyon sang tagsa ka indibidwal nga magsunod sa curfew kag Home Quarantine. Exempted naman sa curfew ang mga persona ukon empleyado nga naga trabaho pam publiko kag pribado basta magpakita lamang sang identification Card ukon ID ilabi na ang mga health Workers, Opisyal sang gobyerno, emergency situation ukon may pasyente, mga Law enforcers kag ang mga nagadeliver sang mga pagkaon kag dapat magpakita lamang sa nagakaigu nga ID kag certification gikan sa ila nga employeer.
