Capiz PPO, nakadakop sang 256 ka mga wanted nga persona humalin bulan sang Enero tubtob Oktubre!

19

Roxas City, Capiz- Nangin aktibo ang mga kapulisan sa Capiz sa pagpanglagas sa mga persona nga may yara sang ginapangatubang nga mga kaso.
Base sa rekord sang Capiz PPO, naglab-ot sa kabug-osan nga 256 ka mga wanted nga persona ang ginserbehan sang warrant of arrest sang mga kapulisan humalin sang bulan sang Enero tubtob katapusan sang bulan sang Oktubre 2020.
Sa nasambitan nga numero, 16 sa mga ini ang ginakabig nga Most Wanted Persons samtang ang 240 naman ang mga other wanted persons.
Kalakip sa top-3 police stations nga may pinakadamo nga nadakpan nga wanted amu ang Roxas City PNP nga may 74; Dumarao PNP nga may 21 samtang ang Ivisan PNP kag Pontevedra PNP ang may yara sang tig-15 ka mga arrested wanted persons.

Facebook Comments