Roxas City, Capiz- Padayon nga ginahulat sang Capiz Provincial Health Office ang resulta sang Laboratory Examination sang duha ka mga nCoV ARD Person Under Investigations sa Capiz.
Nahibaluan nga una na nga ginpadala sang mga otoridad ang specimen sang amo nga mga PUIs padulong sa Research Institute for Tropical Medicine(RITM).
Ang una nga PUI ang isa ka lalaki kag nagapang-edaron sang 51-anyos nga nagbiyahe sa pungsod Hongkong kag Macau sang Enero 25 tubtob Enero 29, 2020 kun sa diin nakitaan sang pila ka mga sintomas sang NCOV sang nagbalik sa Capiz.
Samtang, ang ikaduha nga person under investigation ang isa ka babaye nga OFW halin sa Hongkong nga naga pang-edaron sang 48-anyos. Ini ang nag-abot sa Capiz sang nakaligad nga Enero 19 para sa bakasyon sa diin nakitaan sang mga sintomas sang corona virus kabangdanan nga gin-admit sa ospital.
Ginpanugyanan naman sang PHO ang publiko nga mangin kalmante sa pamahog nga dala sang Novel Corona Virus Acute Respiratory Disease!
