Roxas City, Capiz- Nag-apelar subong ang Provincial Health Office sa mga pasyente nga ginakabig mga persons under monitoring kag iban pa nga persona nga nagapadulong sa mga ospital agud nga magpakunsolta.
Ginhenyo ni Dr Leah Del Rosario sang PHO, nga kun mahimo magkooperar ang mga ini kag akuon ukon ituad kun sila ang may yara sang medical ukon travel history sa iban nga lugar.
Ini matapos ang kaso nga isa sa ila pasyente ang ulihi na nga nagtuad sa mga doktor nga ini gali ang may yara sang travel history sa pihak nga makapila ka beses na ini nga gin pamangkot.
Insigida, ginpatigayon ang pag-disinfect sa amo nga persona, emergency room kon sa diin siya gindala kag ang mga personnel nga magtatap sa iya.
Ginpunto ni Del Rosario nga bangud sini, may posibilidad nga mabutang sa delikado ang kabuhi sang mga doktor kag iban pa nga mga medical personnel bangud sila ang tuman ka nabutang sa risgo.
📷 (c) – PDRRMO Capiz
