CAPIZ REHABILITATION CENTER | Oplan Galugad, ginpatigayon sa mga selda sang CRC

195

Roxas City, Capiz – Ginpatigayon kahapon sang aga ang “Oplan Galugad” sa Capiz Rehabilitation Center. Ginpahayag ni Jailwarden Arjuna Yngcong, surpresa ang nasambit nga lihok kun sa diin mangin ang mga jail guards sini ang wala sang ideya nga ipatigayon ang Oplan Galugad sa mga selda sang CRC.
Una nga ginpaguha ang tanan nga mga inmates kag ginpatiner sa basketball court antes ginpatigayon ang paghalughog sa kabug-osan nga apat ka selda. Kalakip sa mga nakuha ang mga pointed objects kaangay sang mga tinidor, kutsara, mga daan nga toothbrush kagdisposable ligthers kag replica sang armasluthang. Samtang wala naman sang may nakuha nga illegal nga droga.
Suno kay Yngcong, ini ang kabahin lamang sang kampanya nila agud nga mapabilin ngahilway sa kontrabando ang CRC kaangay sang ginabawal nga droga subong man mga patalum kag armasluthang.
Nahibaluan nga subong, may yara sang kabilogan nga 389 ka mga inmates ang napreso sa Capiz Rehabilitation Center kun sa diin halos katunga sang mga ini ang may yara sang kaso nga kaangut sa illegal nga druga.
Ang nasambitan Oplan Galugad ang ginsaksihan sang mga Brgy. Officials sang Lawaan sa pagpanguna ni Kapitan Elvis Asis kag mga katapo sang media upod ang DYVR RMN Roxas.

Facebook Comments

From Advertisers