Roxas City, Capiz- Isa ka Capizena ang magarepresentar sa Capiz sa Miss Teen International Philippines Pageant 2019. Ini amo ang 18-anyos nga si Anna Joy Barrios nga halin sa Brgy Santa Fe, Pilar, Capiz kag incoming 1st year college student.
Sa interview sang RMN Roxas kay Barrios, ginsiling sini nga indi nangin madali para sa iya ang ma-qualify sa amu nga pageant. Suno diri nga nag-agi anay ang ginatos ka mga kandidata sa online screening kun sa diin 28 ka mga aplikante ang maswerte nga ginpili.
Pagkatapos sang personal screening, isa siya sa 20 ka mga finalist kag amo na ang magapasakop sa nasambitan nga pageant. Henyo subong ni Barrios ang pangamuyo kag suporta para sa iya.
Suno pa diri nga ginakalipay niya kag isa ka dungog para sa iya nga irepresentar ang Capiz sa amo nga pageant.
Sa subong padayon ang iya nga preparasyon kalakip na ang sa patag sang talent, Q & A mentoring kag pagpreparar sang mga costumes.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
