Capizena nga military nurse, ginbuno- patay sa Makati City!

Roxas City, Capiz- Nag-angkon sang duha ka patal nga pilas kabangdanan sang kamatayon sini ang taga- Capiz nga military nurse matapos ginbuno sang 19- anyos nga suspek nga construction worker sa syudad sang Makati pasado alas dos sang kaaganhon.
Ginkilala ang biktima kay 2nd Lieutenant Jenneth Beron Aguilar, 31-anyos ang pang-edaron kag nurse sa Armed Forces of the Philippines Hospital- V. Luna.
Ini ang nag- angkon sang pilas sa iya dughan makaligad nga ginbuno sang suspek nga si John Louie Brosas sang Brgy Martirez Pateros.
Suno sa imbestigasyon sang kapulisan, ginpahayag ni Major Gideon Ines Jr, chief sang Makati City Police Investigation Unit, gin-agaw ni Brosas ang cellphone nga ginapanag-iyahan sang biktima samtang ini ang nagahulat sang jeep mga alas-dos sang kaagahon.
Apang bangud sa pagpakatig-a ni Aguilar nga ihatag ang cellphone sa suspek, ini ang ginbuno sang makaduha ka beses antes nga nagpalagyo.
Gindangat pa sa Ospital ng Makati (OsMak) si Aguilar apang ini ang gindeklarar nga ginbawian sang kabuhi.
Matapos ang duha ka oras, nadakpan naman sang mga kapulisan ang suspek nga si Brosas kun sa diin narekober sa iya ang cellphone ni Aguilar.
Nahibaluan dugang sa imbestigasyon sang kapulisan, ginabuligan pa kun kaisa sang biktima ang suspek bangud sa makaluluoy sini nga sitwasyon kun sa diin ginahatagan pa ini sang kwarta nga pang bakal sang bugas.
“Sa imbestigasyon namin, binibigyan po ng biktima ng pangkain ito. Minsan daw, pera pambili ng bigas ibinibigay. Tapos minsan inuutus-utusan niya linisin kotse niya bago bigyan ng pera,” suno kay Ines.
Nahibaluan nga malapit lang ang construction site nga gina obrahan ni Brosas sa balay ni Aguilar gani nga kilalahay ang mga ini.

via- Rappler

Facebook Comments