Pilar, Capiz – Nagpangaduha sa September 2017 Licensure Examination for Teachers (LET) – Elementary Level ang isa ka CapizeƱo nagikan sa Pilar, Capiz.
Wala nagalaum si Jonathan Garcia, nga makakuha ini sang pwesto sa Top 10 sang nasambit nga pasinawan. Suno diri, makakuha gid lamang sang mataas nga ratings ang iya handom.
Ginahalad ni Garcia para sa iya pamilya ang nangin kadalag-an sini bangud ini ang nagserbi nga inspirasyon agud makuha ang Top 2 sa nasambit nga examination kun sa diin nakuha sini ang ang 86.60% nga rating.
Nagpasalamat man ini sa Ginoo kag sa iya pamilya nga naghatag sang ila suporta. Si Garcia ang nagtapos sa kurso nga Bachelor of Elementary Education (BEED) sa Capiz State University (CAPSU) – Pilar Campus kag sa subong nagapadayon sang iya pag-tuon sa Technical Education Skills and Development Authority (TESDA) agud makatipon sang madamo nga certificate antes magtapak sa pampbuliko nga eskwelahan agud nga magtudlo.
Nahibaluan nga sa 80,509 ka nagkuha sang LET-Elementary Level naglab-ot lamang 21,198 ang nakapasar.
