CAPIZEñO NGA MEMBRO SANG MILITAR, ISA SA MGA PILASON SA ENGKWENTRO SA ZAMBOANGA SIBUGAY PROVINCE!

Roxas City, Capiz – Pilason ang isa ka CapizeƱo nga membro sang militar sa nagluntad nga engkwentro sa Purok Limono, Brgy. President Roxas, Roseller Lim sa Zamboanga Sibugay Province mga alas 2:10 sang kaaganhon.
Pilas sa iya abaga kag paa ang naangkon ni Lt Jestoni Labarosa nga tumandok sang Lucero, Jamindan, Capiz samtang pilason man ang kaupdanan sini nga nakilala kay Private Portesano.
Samtang narekober man sa lugar sang engkwentro ang bangkay sang isa ka katapo sang Abu Sayyaf terrorist group nga ginapamunoan ni Furuji Indama nga nakabase sa Basilan.
Suno sa impormasyon, nakabaton sang impormasyon ang 44th IB Intel nga may yara sang presensya sang terorista nga grupo nga ginabanta nagalab-ot sa 30 ka bilog nga nakasakay sa motorized pumpboats (bote-bote) malapit sa baybayon.
Gilayon nga gin-dispatch ang tatlo ka grupo sang 44th IB- PA nga ginsundan sang bayluhanay sang lupok sa magtimbang nga bahin nga nagdugay sa kapin sa 30-minutos.
Insigida nga gindala sa ospital ang mga pilason nga membro sang militar kag natalana nga igapaidalom sa operasyon.Samtang padayon ang hot pursuit operation sang mga 44th IB, 102nd IB kag 2nd PMFC.

Facebook Comments