Roxas City, Capiz – Aprobado sa ginpatigayon nga session sang city council ang request nga road closure sa pila ka mga dalanon sa syudad sang Roxas may kaangut sa pagpatigayon sang mga aktibidades sa Capiztahan 2019.
Sa maabot nga Abril 12 alas dos sang hapon kag Abril 13, igasarado ang area sang corner San Roque Street- Mckinley Street, Capiz bridge , Roxas Avenue corner Fuentes Drive para sa pagpatigayon sang Sadsad Capiz.
Sa Abril 13 alas 3 tubtob alas sais sang gab-i, igasarado man ang dalan malapit sa atubang sang provincial capitol bangud sa pagpatigayon sang Martial Arts Tournament.
Abril 15, may yara man sang igapatigayon nga wreathlaying ceremony sa monumento ni President Manuel Roxas sa public plaza bilang pagkomemorar sang death anniverssary sini.
Samtang nahibaloan nga umpisa subong nga adlaw may yara na sang igapatigayon nga mga pre-Capiztahan activities.
