Napatay sa ambush ang gidudahang no.1 drug lord sa dakbayan sa Carcar, habagatang bahin sa sugbo uban ang iyang kapuyo kagahapon sa Sitio Banko, Brgy.Valencia sa maong syudad.
Si Merlito ‘Etot’ Lastima Saducas ug ang kapuyo niini nga si Angeline Cabigas gideklara nga dead on arrival sa tambalanan sa Carcar human sila gibanhigan-patay sa duha ka wa’ mailhing mga suspek.
Matod sa hepe sa carcar police station, Chief Insp.Jose Liddawa nga wa’ makabantay ang nagsakay nga managlive-in sa ilang motorsiklo paingon sa kinaposoran sa Carcar dihang gi-ambush sila sa duha ka suspek nga nagsakay sab og motorsiklo.
Dugang ni Liddawa nga giingong nakuha sa mga suspek ang mga alahas ni Saducas ug kwarta nga mobalor sa 30 mil pesos hinungdan nga robbery ang gitan-aw karon nga motibo sa kapulisan.
Gikonsidera sa Provincial Intelligence Branch sa Cebu Provincial Police Office nga high-value target si Saducas kinsa nakagawas sa National Bilibid Prison niadtong miaging tuig lang sa giatubang niining kasong pagpamaligya og ilegal nga drugas.
