GENERAL SANTOS CITY- Patay ang usa ka care taker human nga na aksidente ang iyang gi sakyan nga motor banda sa may Baluan National hi-way sakop ning atong syudad alas 3:53 ang takna sa gabie.
Giila ang mga biktima nga sila ni Melvin Serra, 21 anyos residente sa Koronadal City usa ka security guard ug niini angkas sa iyang motor ang iyang higala nga si Cristoper Zaulda Katimpo, 35 anyos care taker ug residente sa barangay Katangawan ning syudad.
Sumala pa sa labaw sa TMU kon traffic management unit nga si Police Major Richard Ybanez, gi lawig sa mga nahisgutan ang national highway, sakay sa motor nga raider 150 nga may plaka nga la-3396 gikan sa barangay buayan apan pag abot sa barangay baluan nawad an ug kontrol ang driver sa motor nga si Melvin ug nabangga sa usa ka poste sa daplin sa dalan, nga gi kamatay sa back rider niini nga si Cristoper.
Dugang pa sa kapulisan nga anaa sa impluwensya sa ilimnong makahubog ang mga nahisgutan tungod gikan matud pa sila sa usa ka kalingawan sa nasampit nga barangay.
Sa karon, ang driver nga si Melvin Serra, pabilin pa sa balay tambalanaan human sa naangkon niining mga samad sa kalawasan samtang ang kauban niini nga nakabsan sa kinabuhi ang anaa sa lokal nga punerarya sa dakbayan.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: DISGRASYA.jpg]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
