Tungod sa sobra nga kahulugbon kag wala pag- intiendihanay kabangdanan sang paglampos sang maso sang suspek sa caretaker sa Prk. 11A, Pama blacksmith house, Barangay Poblacion, Tupi, South Cotabato, pasado alas 5:30 kahapon sang hapon, Abril 18,2021.
Ginkilala ang biktima kay Levi Perante alias “Bobong” 51-anyos, single, caretaker kag residente sang Prk. 5, Brgy. Crossing Rubber, Tupi, South Cotabato.
Samtang ginkilala naman ang suspek kay Roldan Domasig Dalaguit, alias “Maswit”, 34 years old, single, jobless kag residente sang Prk. 12, Brgy. Poblacion, Tupi, South Cotabato.
Sa imbestigasyon sang Tupi MPS ang duha ang nag-inom-inom kag may-yara sang wala pag-intiendihanay nga nagluntad sa tunga sang biktima kag suspek.
Sang nagakatulog na ang biktima tungod sa sobra nga kahulugbon ginlampusan ini sang maso sang suspek sa ulo sang makapila ka bes nga nangin kabangdanan sang iya hinali nga kamatayon.
Tigayon naman nga nagsurender ang suspek kag yara na sa kustodiya sang Tupi MPS kag ipasaka naman ang nagakaigo nga kaso batok sa suspek.
Ginrequest naman sang pamilya ang pagpaidalom sa post mortem examination sa bangkay sang biktima agud mahibaluan ang kabangdanan sang kamatayon sang biktima.
