Davao City – Taas gihapon ug lubog pa sa tubig-baha ang kabalayan sa Carmen, Davao del Norte.
Maglima ka adlaw na nga nagpuyo sa tulo ka evacuation centers ang flood victims.
Sa interbyu sa DXDC RMN Davao kang Sherry Mae Santiago, Department of Social Welfare and Development (DSWD) Carmen Team Leader, niabot na ang 10,000 ka mga relief aid sakay sa truck sa evacuation para itunol sa mga bakwit.
Matud pa nga wala pay abiso nga pabalikon ang katawhan sa ilahang mga panimalay tungod sa kadelikado pa sa sitwasyon ug kadaghanan sa mga panimalay nadamyos na tungod sa walay hunong nga ulan nga miresulta sa grabeng pagbaha.
Samtang, abli na kagahapong adlawa sa tanang klase sa mga sakyanan ang National Highway sa Brgy. Tuganay apan grabe usab ang traffic padulong ngadto sa Guadalupe, Carmen, Davao del Norte.
RadyoMaN Aimee Guinita
Facebook Comments
