‘CARNAP GROUP LEADER’ ARESTADO SA AGUSAN DEL SUR
Arestado sa kapulisan ang leader sa carnapping group og ika-siyam sa listahan sa most wanted person sa Caraga.
Giila ang akusado nga si Gerald Capul, 21 anyos, residente sa Brgy. Taglatawan, Bayugan City, Agusan del Sur.
Bitbit ang warrant of arrest nga adunay criminal case number 4892 sa kasong carnapping nga giisyu sa Regional Trial Court Branch 7 sa Bayugan City, Agusan del Sur giaresto si Capul alas dose sa udto didto sa Brgy. 5, San Francisco, Agusan del Sur sa gingsakpan sa Criminal Investigation and Detection Group (CIDG)-Agusan del Sur Provincial Field Unit, San Francisco Municipal Police Station ug Regional Intelligence Division 13.
Ang maong kaso adunay recommended bail-bond nga 180 thousand pesos.
Gikataho sa PRO-13, migawas sa imbestigasyon nga ang naaresto mao ang leader sa Cuyag Group, usa ka notorious group nga nalambigit sa carnapping ug uban pang illegal nga aktibidad nga nahitabo sa probinsya.
