ILOILO – Naghiwat sang case conference ang Iloilo Police Provincial Office
(IPPO) kaupod ang PRO6 crime laboratory kag Criminal Investigation and
Detection Group may kaangtanan sa pag-ambush kay Samuel ‘Sam’ Aguilar sang
Eagle Crest Gaming Corporation, ang operator sang stl sa probinsya sang
Iloilo.
Ginpahayag ni IPPO Director Sr. Supt. Marlon Tayaba, apisar nga
kulang sa kooperasyon ang pila sa mga kaupdanan ni Aguilar sa sulod sang van
sang nagluntad ang insidente apang madamo naman sila sang nakuha nga
impormasyon nga puwede nila maggamit sa nagapadayon nga imbestigasyon kag
isa na diri ang ila mga background.
Wala na gindetalye ni Tayaba kon ano ang mga motibo ang ila
ginasundan sa pagpang-ambush apang ginpasiguro sini nga himuon sang
kapulisan ang tanan agud maresolba ang kaso kag mahatagan sang hustisya
ang kamatayon ni Aguilar.
Photo from web
