Davao City – Walay laing mabuhat ang konseho sa Davao kundi magpaabot na lamang sa desisyon sa korte bahin sa pagpasaka og kaso sa lokal nga panggamhanan batok sa Taipan Development Inc. kinsa nanag-iya sa gitukod nga Gaisano Capital Mall nahimutang sa Mintal, ning syudad sa Davao.
Gumikan niini, gibutyag ni Davao City Councilor J. Melchor Quitain Jr. nga dili pa nila mapailawom sa reclassification isip commercial area ang gitukoran niini sanglit gikunsidera ang lugar isip residential area ingon man usa ka water source zone.
Gani wala sa gihapon nag operate ang maong mall hangtod karon.
Kahinumdoman nga gipasakahan og kaso ang maong kompanya may kalabutan sa kalapasan sa Comprehensive Zoning Ordinance sa Davao City partikularmente sa Section 1 sa Article 14 diin kinahanglan isiguro sa mga owners o developers ang ilang locational clearance gikan sa Zoning Administrator una magpahigayon og bisan unsang konstruksyon sa ilang mga yuta.
RadyoMaN Jason Amisola
