Nahatag na sang Dep-Ed ang cash incentives para sa mga atleta sang probinsya sang Iloilo nga nakakuha sang medalya sang nakaligad nga Western Visayas Regional Athletic Association meet ukon WVRAA Meet 2018.
Ginpahayag ni Nicolas Valenzuela, Sports Coordinator sang Dep-Ed nga 800 mil pesos ang ginpain nga pondo para sa incentives sang mga medalist nga mga atleta.
Suno sa iya nga nagsugod sila sa pagpanagtag sang insentibo humalin sang Marso 2 tubtub kahapon Marso 8.
Ginpahayag ni Valenzuela nga ang mga gold medalist ang nagbaton sang 2,300 nga insentino; 1,500 para sa silver medalist kag 600 pesos naman para sa mga bronze medalist.
Nahibaluan nga nagpangibabaw ang Iloilo sa WVRAA 2018 nga may kabug-usan nga 195 ka gold medals, 122 ka silver kag 102 ka bronze medals.
Magapasakop naman sa palarong pambansa nga hiwaton sa Vigan sa Ilocos Sur sa bulan sang Abril ang mga nagdaug sa WVRAA.
