Davao City – Ikatulong tuig karon nga midaug ang Pilipinas sa arbitral ruling sa pag-angkon sa West Philippine Sea apan nagpabiling babag gihapon niini ang wala pagdawat sa China sa maong kalambuan sa negosasyon.
Sa interbyu sa DXDC RMN Davao kang Prof. Ramon Casiple, Executive Director, Institute For Political and Electoral Reform (IPER), gibutyag niini nga sa sinugdanan pa lamang buot na sa China nga ipaagi sa bilateral negotiation ang isyu sa West Philippine Sea ug dili saligan ang United Nations Convention on the Law of the Sea (UNCLOS) nga maoy nagpatunga niini.
“Ang problema natin ito, dahil hindi pumasok ang China, hindi nila kinilala ‘yung resulta. At ang tingin niya, dahil naman covered ng buong UNCLOS ang usapin ng sovereignty, nasa labas sya ng usapin na ‘yan,” saysay ni Casiple.
Dugang ni Casiple nga bisan sa paglagda sa China sa UNCLOS padayon gihapon nga gi-insister sa maong nasud ang ilang katungod sa hisgutanan sa historic title.
Samtang nagtuo si Casiple nga mihatag og kabug-aton sa mga Pilipino ang isyu sa West Philippine Sea nga makita sa resulta sa survey sa Social Weather Station (SWS) nga siyam sa napulo ka Pilipino ang nag-ingon nga angay makontrol sa nasud ang West Philippine Sea.
RadyoMaN Kirby Manzon
