Davao City- Gitino karon sa usaka political analyst nga ang isyung human rights angay masabtan sa nagkadaiyang mga perspetikba sanglit lawom ang implikasyon niini sa kinatibuk-ang kinabuhi dili lang sa gobyerno kon dili sa katilingban mismo.
Sa interview sa Straight to the Point, gisugilon ni Prof. Ramon Casiple, executive director sa Institute for Political and Electoral Reforms (IPER) nga nasayud ang administrasyon sa legalidad ug konstitusyonalidad sa kamugnaan sa Commission on Human Rights (CHR).
Matud ni Casiple, iyang nasabtan nga ang mandato CHR klaro kaayo: Gipunting sa balaud nga nag-establisar sa maong komisyon nga suta-on dili lamang ang posibleng kalapasan sa tawhanong katungod sa pipila ka mga ahensya o personalidad sama sa Presidente sa nasud apan sa uban pang mga buhatan sa pamunuan.
Dugang sa propesor nga tino man usab ang klaripikasyon sa administrasyon nga paluyuhan ang krusada alang sa human rights promotion and advancement, ang kaso lamang mao ang impresyon sa Malacañang nga daw nahimong hinagiban si CHR chair Chito Gascon sa mga ‘dilawan’ kun mga kritikong ilawom sa landong sa political opposition.
Sa kabahin sa reaksyon sa mga tigpaminaw sa STP kaganina, mayoriya nagtoo nga may lig-ong basihan ang panawagan nga mokanaug na sa pwesto si Gascon ug mga kakaubanan niining commissioners ug igahin na lamang ang P600M budget ngadto sa pagpamalit ug mga body cameras aron gamiton sa kapulisan sa mga police operations.
Kagahapon, gihagit ni Duterte ang international human rights community nga mag-establisar ug satellite office denhe sa Pilipinas ug magbutang kun mag-‘embed’ ug mga imbestigador diha mismo sa matag police operation haron makita ang tanang anggulo sa kalihukan sa mga awtoridad.
RadyoMan June Duterte
