*El maga pulis del Ayala Police Station ya entrega ya el caso por el violacion del acto republica 9165 na fiscalia contra con un mentao drug pusher conquien ya puede aresta del mas temprano tiempo na Zone 6, Cawit.*
*Base na report del Ayala Police Station con Mustapa Saraban y Hawi, 33, casao, de Purok 3A, Recodo ya puede aresta durante el buy-bust operation ya conduci de Enero 4, este año.*
*Ya puede confisca desde con Saraban el cuantos paquete de shabu y lo mismo el marked money ya usa el maga pulis.*
*Porcausa con el mafuersa evidencia ya recobri, el maga pulis ya tene que man inquest con Saraban, pero ya usa este su derecho pormedio de gosa con el 15 dias waiver para el mas del preliminary investigation.*
*Pero na lao del pulis confiansa sila ay consigui el caso na corte porcausa con el maga evidencia. *
