Ya abaja el mga caso del emfermedad de dengue aqui na ciudad de Zamboanga este tiempo. Este el revelaccion del City Health Officer Dr. Rodel Agbulos este dia.
Asegun con Dr. Agbulos, el combinao esfuerzo del su oficina, media y el comunidad concierne amo ya hace fuerte con el mencionao campaƱa na ciudad, donde estos mga barangay que alto el caso de dengue ya queda responsible y ya conduci el diila cada cualan manera de campaƱa contra con el tal emfermedad.
Si Agbulos ya habla cay base na records del CHO, ya menora hasta cingcuenta porciento el estado del mga victima del dengue este mez y cumparando del pasao aƱo que ya alcansa na alert level el estado del tal emferemedad na mez de Agosto.
Ya revela tambien si Agbulos con el diyes mga primer barangay que alto el mga caso de dengue na ciudad como numero uno aura el Calarian-110 caso de dengue; Segundo el Tetuan-106 caso; tersero el Talon-Talon-105; aca-cuatro el San Roque-103 caso; aca-singco el Pasonanca-99 caso; aca-seiz el Putik-90 caso; aca-ciete el Sta. Maria- 88 caso; aca-ocho el Mercedes-86 caso; aca-nueve el Tumaga-76 caso y aca-diez el Baliwasan-68 caso de dengue.
Si Dr. Agbulos ya habla cay notable que mga grande-grande barangay amo el alto na lista del dengue porcausa cay grande el populaccion de estos, chene sila mga rio y sementera el losdemas, fuera pa con el cuchinadas y sin cooperaccion del mga vivientes na campaƱa contra dengue.
Base tambien na records del CHO, 63% de estos mga reportao caso de dengue mga hombre; 50% de bejez y 50% mga menor de edad 2-12 aƱos. ā *Bhong Simbajon/RMN News*
