Manyana esperanzao ay man inquest ya na fiscalia el maga pulis con un mujer conquien ya recobri mas de un quilo shabu tiene el valor de P6.8 million na Calarian del Domingo.
Asegun con Chief Insp. Elmer Solon, jefe del Central Police Station, caso de violacion de RA 9165 y illegal possession of explosive ay recomenda na fiscalia contra con Marissa Wee y Musa, alias Indah, 32, de Calarian.
Inlujido tambien na filing del caso con Mayong Ilang Kamlon, su uban quien ya puede escapa durante el operacion del pulis junto con el PDEA y PAF.
Fuera con el mas de un quilo de shabu, ya puede tambien recobri un granada na casa di Wee.
Si SPO3 Herbert Abilla ta esta pa siempre na hospital despues ya hace conele bangga si Kamlon su SUV mientras p[a escapade le.
