Caso na fiscalia ya

Maga pulis del Tetuan Police Station formalmente yan inquest y ana fiscalia con el un construction worker quien ya tahya qui tahya consu mismo uban na trbaho del noche pasao.
Caso de frustrated homicide ya recomenda el maga pulis con el fiscal contra con Roseller Alberto de Limaong despues este serca ya puede mata con Crispin Delos Reyes.
Pero durante el inquest proceeding, si Alberto yan avail el 15 dias waiver donde ya detene otravez con este na estacion del Tetuan.
Acordando del noche pasao, si Alberto y si Delos Reyes junto con el diila otro maga uban na trabaho quien maga stay-in workers na un casa na Falcatan Street, Tetuan donde ya menta si Alberto con Delos Reyes como ya saca consu P500.
Cuando ta dormi ya si Delos Reyes derepente ya lang ya saca bolo si Alberto y ya empesa tahya qui tahya conele na cabesa, pecho y na braso.
Ya puede pa corre si Delos Reyes para na Tetuan Police Station para reporta con el incidente y despues ya lleva conele na hospital.
Alamaniana el subrino pa di delos Reyes amo ya puede aguanta con Alberto y ya entrega na pulis.