CASTRO – MAGBANUA TANDEM 2022 | Capiz 2nd District Congressman Fredenil Castro, magapapili bilang gobernador sang probinsya sa idalom sang alyansa sang Liberal Party kag Lakas CMD!

203

Roxas City, Capiz – Pormal na nga gin-endorso sa ginpatigayon nga executive meeting kahapon nga adlaw kag ginbatun ni Capiz 2nd District Congressman Fredenil ‘Oto’ Castro ang nominasyon sa iya para sa pagpadalagan bilang gobernador sa probinsya sang Capiz sa maabot nga 2022 election.
Si Castro nga last termer nga congressman sang segundo distrito ang magapapili sa idalum sang alyansa sang Liberal Party kag Lakas-CMD kun sa diin mangin running-mate sini amo si incumbent Vice Governor Jaime ‘Mitang’ Magbanua.
Ang amo nga proklamasyon sang kandidatura ni Castro ang ginpatigayon kahapon nga adlaw sa poluy-an mismo ni Vice Governor Magbanua sa Dao kun sa diin ini mismo ang gintambungan sang mga kaalyado nga mga lideres halin sa duha ka distrito sang Capiz lakip ang Roxas City.
Yara nagpakita sang ila suporta sanday 1st District Congressman Emmanuel ‘Tawi’ Billones Sr. upod ang mga alkalde kag opisyales sa premier kag segundo Distrito.
Yara man sanday incumbent Board Member Jonathan Sonny Besa, Board Member Thea Faith Reyes, Board Member Wildy ‘Tambol’ Apolinario, Board Member Matt Hachuela, Board Member Elmer Arevalo, SK Federation President Renzo Teves, Pepe del Rosario, SB member Cecilio Fecundo sang Dumalag, former Board Member Baden Cantiller kag former Board member Gilbert Ardivilla.
Nagpakita man sang suporta sanday Panit-an Mayor Kit Belo, Maayon Mayor Raymond Malapajo, Vice Mayor Arminda Bermejo sang Panay, Vice Mayor Bobo Escutin sang Dao, Mayor Felipe Neri Yap sang Ivisan, Mayor Mac Valdemar sang Jamindan, Mayor Amado Eriberto ‘Odoy’ Castro Jr. sang Dumalag, Sapian Mayor Ike Biñas upod si Atty. Jose Villanueva nga magapapili sa pagka-alkalde sang Sapian kag si former Mayor Joe Alba nga magapapili sa pagka-alkalde sang banwa sang Mambusao.
Yara man ang representante nanday Sigma Mayor Chris Andaya nga magapapili bilang bise-alkalde kag Dante Eslabon nga magapapili sa alkalde sa banwa sang Sigma.
Yara man ang representante ni Mayor Felipe Barredo sang Panay, si SB member Joemarie Openiano sang Cuartero, Kapitan Henry Tumlos nga magapapili nga Mayor sang Pontevedra kag Board Member Mitch Patricio nga nagrepresentar sa iya iloy nga si former Mayor Rita Patricio nga ginalauman magapapili bilang alkade sa banwa sang Pilar.
Samtang gina-ekspektar nga sa maabot nga buwas nga adlaw sang Biernes, maga-file sang tagsa nila ka mga certificate of candidacy(COC) ang pambato sang alyansa sang Liberal Party kag Lakas – CMD.

Facebook Comments