Davao City – Hingpit na nga mahinayon karong tuiga ang High Priority Bus System kun HPBS sa dakbayan sa Davao.
Gikumpirma kini ni Davao City Mayor Inday Sara Duterte-Carpio diin pilot route o pinaka-unang ruta ang Catalunan Grande.
“Augmentation mana nato siya karon, so himuon nato i-formalize nato og open sa bus system ang Catalunan Grande nga route so mao na siya ang atoang masugdan this year,” segun niini.
Sumala sa mayor nga maggikan sa pondo sa syudad ang P100M alang sa pasiunang ruta tungod kay na-vetoed ang gi-request unta nga pondo sa sa National Goverment para maong proyekto.
“Pag-supplemental budget nato isulod nato didto, mangita mi og funds nga wala nagamit, funds nga surplus, available. I-pull namo na together and then mao na ang gamiton nato para Catalunan Grande route,” sumala sa mayor.
Nanghinaot ang mayor nga makapangayo og gamay nga pondo karong tuiga ngadto sa National Government aron makaabli na usab og lain pang ruta sunod tuig 2020 ug target nga makumpleto ang tanang ruta sa HPBS sa tuig 2022.
Matud sa mayor nga ipa-bid sa private sectors ang mga gamitong bus sa HPBS.
“Ang private sectors ang magpadagan sa bus system ginabantayan sa City Government, ang pag-identify and pag-supervise anaa sa City Government,” matud sa alkalde.
Gitin-aw sa mayor nga dili pa andam ang lokal nga panggamhanan nga i-phase-out ang mga dyip nga apektado sa pag-abli sa ruta sa bus sa Catalunan Grande.
RadyoMaN Aimee Guinita
