Gisapinal na sa Armed Forces of the Philippines, Philippine National Police ug Commission on Elections o COMELEC ang kategorisasyon sa election hotspot sa nasud.
Kini ang gibutyag ni COMELEC Spokesperson Director James Jimenez aron malikayan ang dautang impression o posibleng dili maayong outcome sa aspeto sa seguridad, kaluwasan ug ekonomiya sa mga lugar nga mailang election hotspots.
Gawas niini, matud ni Jimenez luag kaayo ang gigamit nga kategoriyang “areas of concern” ug “areas of immediate concern”.
Gikan sa maong kategoriya, ilisan kini sa kolor nga green, yellow, orange ug red.
Green para sa mga lugar na generally peaceful o walay problema sa seguridad.
Yellow alang sa nga lugar nga dunay history sa political disturbances.
Orange para sa mga lugar nga dunay presensya sa mga armadong grupo.
Samtang ang Red usab para sa mga election hotspots.
Matud ni Jimenez, mas maayo ang maong color coding categorization aron mas matutukan ang mga lugar nga mas nanginahanglan sa atensyon.
